Cwpan Pinatar: Yr Alban 1-1 Cymru

Enillodd Jess Fishlock gap rhif 139 dros ei gwlad

Mae ymygyrch Cymru yng Nghwpan Pinatar wedi gorffen gyda gêm gyfartal yn erbyn eu cefndryd Celtaidd.

Aeth yr Alban ar y blaen wedi peniad Sophie Howard o gic gornel ar ôl wyth munud yn ne-ddwyrain Sbaen.

Ond er y dylai'r Alban fod wedi mynd ymhellach ar y blaen, tarodd Cymru'n ôl yn erbyn rhediad y chwarae gyda Ceri Holland yn manteisio ar bas hyfryd gan Jess Fishlock wedi 42 munud.

Cyn yr hanner, serch hynny, bu'n rhaid i Fiona Brown adael y maes wedi'i hanafu yn dilyn gwrthdrawiad gyda Jess Fishlock.

Roedd yr ail hanner lawer mwy agored gyda chyfleodd i'r ddau dîm, ond doedd dim mwy o goliau i ddod wrth i'r gêm ddarbi orffen yn gyfartal.

Bydd y sylw nawr y troi at yr un gêm sy'n weddill rhwng Gwlad yr Iâ a'r Philippines i ddarganfod pwy fydd yn codi'r tlws.