Cyhoeddi enw dyn fu farw mewn gwrthdrawiad ar yr A470

Bu farw Lee Sullivan, a oedd yn byw yn ardal Aberhonddu, yn y gwrthdrawiad ddydd Mercher

Mae Heddlu Dyfed-Powys wedi cyhoeddi enw dyn fu farw mewn gwrthdrawiad ar yr A470 ger Storey Arms ym Mannau Brycheiniog yr wythnos ddiwethaf.

Roedd Lee Sullivan, 48 oed ac a oedd yn byw yn ardal Aberhonddu, yn teithio mewn Ford Focus du pan fu mewn gwrthdrawiad am 05:00 fore Mercher.

Cafodd dau ddyn arall eu cludo i'r ysbyty gydag anafiadau difrifol, ond does dim diweddaraiad ar eu cyflwr.

Dim ond un cerbyd oedd yn rhan o'r gwrthdrawiad.

Mewn teyrnged fer i Mr Sullivan dywedodd ei deulu y bydd yn "cael ei golli'n fawr gan ei holl deulu a ffrindiau. Cwsg mewn hedd Sully."