'Mwy na ffurflen gais': cerdd i godi calon ar ddiwrnod TGAU
- Cyhoeddwyd
Buddug Roberts
Heddiw fe fydd miloedd o bobl ifanc yn derbyn eu canlyniadau arholiadau TGAU, ond mewn cerdd arbennig mae Bardd y Mis Radio Cymru Buddug Roberts yn pwysleisio bod yna bethau pwysicach mewn bywyd.
Cwestiynau
ymadroddion wedi eu cymhwyso i gymell atebion
"Ti 'di cael dy ganlyniadau?"
"Be ges di yn dy DGAU?"
"Tisho rhannu dy raddau?"
"Tisho unrhyw awgrymiadau?"
"Pa golegau?"
"Prentisiaethau?
Oes dyrchafu ar Y Dydd Iau?
Dwi'n gwbo' bo' chdi 'di blino,
A bron iawn 'di mynd o dy go.
Ond cymer eiliad i sbio -
Pa mor bell ti 'di'i ddringo.
Yn wir, ma'n rhaid i chdi gofio -
Fysa chdi byth yn meiddio
Ffraeo'r bych bach o flwyddyn 7,
A chditha' 'di bod ar siwrna mor faith?
Yli - mi wyt ti'n "ddigon clyfar",
Mae pawb yn clywed dy lais.
Tydi'r system ddim i bawb 'sti -
Ti'n fwy nag atebion ar ffurflen gais.
Ti'n gweld - ti'n ifanc,
Ti'n llawn meddylia' ffresh.
Ti'n ysu am gael newid y byd,
Dim jesd ysu am yr hawl i gael sesh.
Dw i'n dallt i fod o'n sgeri,
Gweld pawb yn "gwbo' be ma' nhw'n neud",
Ond dio wir ddim otch - dim tamad
Paid gwrando ar be s'gynno nhw'i ddeud.
Yr unig gwestiwn sy' werth chdi boeni
Ydi: hei, rhen fêt, sut wyt ti?
Dyna'r unig un sy'n cyfri.
Yndi - mae'n anodd gwrando,
A dechrau creu dy stori
Ond dwi'n gobeithio bo' chdi'n gwbo'
Fod ffiniau dy yfory -
Yng ngrym dy ddychymyg di.
Hefyd o ddiddordeb: