Lluniau ddoe a heddiw: Dydd Gŵyl Dewi
- Cyhoeddwyd
Gorymdaith Dydd Gŵyl Dewi yng Nghaernarfon ar Fawrth 1 2024
O nosweithiau llawen, i eisteddfodau a gorymdeithiau, dyma olwg ar ddathliadau Dydd Gŵyl Dewi yng Nghymru dros y ganrif ddiwethaf.
Dydd Gŵyl Dewi hapus a gwnewch y pethau bychain!
Gwisgo i fyny fel Cymry o'r chweched ganrif wnaeth disgyblion Ysgol y Castell, Cydweli ar 1 Mawrth 1929. Ac yn y canol, neb llai na Dewi Sant ei hun
Noson Lawen i ddathlu Dydd Gŵyl Dewi yn Ysgol Dr. Williams, Dolgellau, Mawrth 1956. Y plant yn eu gwisgoedd traddodiadol a'r ddresel Gymreig yn addurno'r llwyfan
Plant ac athrawon Ysgol Gynradd Llanddewi-Brefi gyda Ficer y Plwyf tu allan i festri'r Eglwys tua 1960
Ar 1 Fawrth 1915 fe aeth merched Ysgol Pontrhondda i'r ysgol yn eu gwisg Gymreig; het uchel bob un a siôl. Mae llawer o'r merched yn y llun yn gweu, tra bod merch yn y rhes flaen yn dal cwpan a soser
Grŵp o Llanddona yn Eisteddfod y Pasg Biwmares 1920 ac yn edrych yn drawiadol yn eu gwisgoedd traddodiadol
Tair Gymraes ddireidus yn dathlu Dydd Gŵyl Dewi yn Llandudno a dwy genhinen yn llaw bob un
Chwifio'r ddraig goch i groesawu Tywysog William, darpar Dywysog Cymru ar y pryd, wnaeth rhai o blant yn Llandaf yn 1991
Gwisgo i fyny fel y gantores o Tiger Bay, Shirley Bassey, wnaeth un ddynes rai blynyddoedd yn ôl yng Nghaerdydd
'Gwisg genhinen yn dy gap, a gwisg hi yn dy galon'... (nid yn dy geg!)
Tywysoges Cymru yn derbyn tusw o flodau gan ferch saith mlwydd oed ar 1 Mawrth yng Nghaerdydd yn 2023
Rhai o orymdeithwyr parêd Caerdydd yn chwifio baneri Dewi Sant a Chymru o flaen Neuadd y Ddinas ar 1 Mawrth 2023. Roedd y gorymdeithwyr yma yn gwrthwynebu'r ymweliadau brenhinol â Chaerdydd ar Ddydd Gŵyl Dewi
Cŵn Vizla yn teimlo'n wladgarol iawn
Roedd baner enfawr tu allan i dafarn Penlan Fawr, Pwllheli yn 2019 lle roedd croeso cynnes am ddiod i ddathlu dydd nawddsant Cymru
Cario cwryglau Caerfyrddin ar orymdaith Gŵyl Ddewi yng Nghaerfyrddin ym mis Mawrth 2019
Parêd Dewi Sant yng Nghaerfyrddin yn 2016
Clochwyr Y Fenni yn canu'r gloch ar Ddydd Gŵyl Dewi, a pha grys gwell i wisgo na chrys rygbi Cymru?
