Wrecsam yn sicrhau dyrchafiad awtomatig i Adran Un

Dyrchafiad i Wrecsam: 'Dwi'n mynd am beint 'ŵan!'

Mae CPD Wrecsam wedi sicrhau dyrchafiad am yr ail dymor yn olynol yn dilyn buddugoliaeth swmpus ar y Cae Ras.

Pum pwynt o'u tri gêm olaf roedd tîm Phil Parkinson eu hangen i sicrhau dyrchafiad awtomatig i Adran Un.

Ond does dim angen poeni mwyach am ganlyniadau'r gemau i ddod yn erbyn Crewe Alexandra a Stockport County wedi iddyn nhw drechu Forest Green Rovers 6-0 ddydd Sadwrn.

Gydag 82 o bwyntiau, mae bellach yn fathemategol amhosib i Wrecsam beidio bod yn nhri safle uchaf Adran Dau.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Owain Gwynedd

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Roedd cefnogwyr yn croesi bysedd wrth gyrraedd y Cae Ras ddydd Sadwrn gan wybod bod hi'n bosib y byddai'r tîm yn sicrhau'r pwyntiau angenrheidiol i godi adran gyda dwy gêm yn weddill.

Un peth oedd sicrhau triphwynt yn erbyn y tîm ar waelod Adran Dau - roedd hefyd angen i MK Dons a Barrow golli eu gemau nhw.

Roedd hi'n argoeli'n dda bod y nod o fewn cyrraedd cyn diwedd yr hanner cyntaf yn dilyn goliau Elliot Lee (17), Paul Mullin (23 a 44) a gôl i'w rwyd ei hun gan amddiffynnwr yr ymwelwyr, Ryan Innis (33).

Sgoriodd Ryan Barnett 63) a'r eilydd Jack Marriott (84) yn yr ail hanner - ac wrth gadw golwg ar gemau'r ddau dîm, roedd hi'n amlwg ymhell cyn y chwiban olaf nad oedd y naill na'r llall am atal Wrecsam rhag cam nesaf pennod hynod gyffrous yn hanes y clwb.

Fe gollodd MK Dons 4-1 i Mansfield ac fe drechodd Gillingham Barrow 3-0.

Elliot Lee a Paul Mullin yn dathluPA Media

Dau o sgorwyr Wrecsam yn erbyn Forest Green Rovers, Elliot Lee a Paul Mullin, yn dathlu brynhawn Sadwrn

Bu'n rhaid aros 15 mlynedd am ddyrchafiad o'r Gynghrair Genedlaethol - ond blwyddyn yn unig i godi unwaith yn rhagor o Adran Dau.

Bydd Wrecsam nawr yn chwarae yn nhrydedd haen pêl-droed Lloegr y tymor nesaf am y tro cyntaf mewn 20 mlynedd.

Fe heidiodd y cefnogwyr cartref i'r cae pan ddaeth y gêm i ben - dau absenoldeb amlwg oedd yr actorion Ryan Reynolds a Ron McElhenney sydd wedi dod â gymaint o sylw a llwyddiant i'r clwb ers eu penderfyniad rhyfeddol i'w brynu.

Wrth i Wrecsam sicrhau dau ddyrchafiad yn olynol am y tro cyntaf yn ei hanes, dywedodd McElhenney ar y cyfryngau cymdeithasol: "Dim geiriau."

Chwaraewyr Wrecsam yn dathlu sicrhau dyrchafiadCharlotte Tattersall / Getty Images

Chwaraewyr Wrecsam yn dathlu sicrhau dyrchafiad i Adran Un

Pynciau cysylltiedig

Straeon perthnasol