Joe Allen ddim yn chwarae yng ngêm gyntaf Cymru

Fe wnaeth Joe Allen helpu Cymru i gyrraedd Pencampwriaeth Cwpan y Byd yn Qatar - bydd y tîm yn chwarae am y tro cyntaf ers 1958

Fydd y chwaraewr canol cae, Joe Allen, ddim yn chwarae yng ngêm agoriadol Cymru yn erbyn yr UDA ym Mhencampwriaeth Cwpan y Byd ddydd Llun oherwydd anaf i linyn y gar.

Roedd yna amheuon am ffitrwydd Allen, sy'n chwarae i Abertawe, gan nad yw wedi chwarae ers 17 Medi.

"Fe ddywedon ni yn y dechrau y byddwn ni'n rhoi pob cyfle iddo chwarae yn y gêm gyntaf," meddai rheolwr Cymru, Robert Page.

"Fe fydden ni wedi gallu ei wthio fe ond petai rhywbeth yn digwydd iddo fe fyddai'n bendant allan o'r twrnamaint."

• Cyhoeddi carfan Cymru ar gyfer Cwpan y Byd 2022

• 'Allwch chi ddim anwybyddu' pwysigrwydd mab enwocaf Arberth

Bydd Cymru yn wynebu Iran ddydd Gwener ac yn chwarae eu gêm olaf yng Ngrŵp A yn erbyn Lloegr ar 29 Tachwedd.

Roedd Allen, 32, a fu'n chwarae i Gymru yn nwy bencampwriaeth yr Euros wedi gobeithio y byddai'n ddigon ffit i chwarae yn y gêm nos Lun.

Bydd cic gyntaf y gêm am 1900 ein hamser ni.

• Y Gymraeg i'w chlywed yng Nghwpan y Byd am y tro cyntaf

• Pam fod Cwpan y Byd 2022 mor ddadleuol?

• Pryd mae gemau Cwpan y Byd Cymru?

• Pêl-droed: 'Cyfle gwych' i gael mwy i ddysgu Cymraeg

• Bale: 'Mwy yn gwybod am hanes Cymru nawr'

• BBC Bitesize: Gweithgareddau Cwpan y Byd