Chwe Gwlad: Cymru yn cael cweir gan Iwerddon

Colli fu hanes tîm merched Cymru ddydd Sul yn erbyn Iwerddon yng ngemau'r Chwe Gwlad 2025 gyda sgôr o 14 - 40.

Mae Cymru ar waelod y tabl yn chweched, tra bod Lloegr ar y brig.

Cafodd y gêm ei chynnal yn stadiwm Rodney Parade yng Nghasnewydd.

Mae Iwerddon wedi ennill 11 o'u 14 gêm Chwe Gwlad ddiwethaf yn erbyn Cymru.

Dim ond un gêm sydd ar ôl i chwarae, a bydd Cymru yn wynebu'r Eidal ar ddydd Sadwrn, 26 Ebrill.

Cymru gafodd y cais gyntaf, wrth i Carys Cox sgorio, yn dilyn cic beryglus gan Lleucu George.

Roedd Iwerddon yn cadw'r chwarae yn syml ond yn effeithiol - ac fe weithiodd hyn iddyn nhw.

Iwerddon oedd gyda'r rhan fwyaf o'r meddiant, gydag Iwerddon yn ennill o 7 - 21 iar yr hanner, yn dilyn perfformiad rhwystredig gan Gymru.

Cyfunodd Jaz Joyce a Lisa Neuman yn dda yn yr ail hanner - ond wrth i Gymru feddwl bod ganddyn nhw hanner cyfle, fe wthiodd rhif wyth Iwerddon, Aoife Wafer, y crysau coch oddi ar y bêl ac ennill y meddiant.

Gorffennodd y gêm gyda sgôr o 14 - 40.