Callender yn holliach ar gyfer gêm gyntaf Cwpan Rygbi'r Byd

Arweiniodd Alex Callender dîm merched Cymru i fuddugoliaeth dros Awstralia am y tro cyntaf fis diwethaf

Mae cyd-gapten merched Cymru, Alex Callender, yn ffit i wynebu'r Alban yng ngêm agoriadol Cymru yng Nghwpan Rygbi'r Byd ddydd Sadwrn.

Roedd amheuaeth a fyddai'r chwaraewr rheng-ôl ar gael, ar ôl iddi anafu ei ffêr yn erbyn Awstralia yn gynharach yn y mis.

Bydd Callender yn arwain tîm gyda Kate Williams yn gyd-gapten iddi, ac mae pum newid o'r golled yn yr ail gêm brawf yn Sydney yn ddiweddar.

Dywedodd Sean Lynn, prif hyfforddwr Cymru, eu bod wedi dewis y "garfan gryfaf sydd ar gael, ar gyfer gêm hanfodol i'r garfan".

Mae disgwyl i Lisa Neumann ennill ei 50fed cap ddydd Sadwrn

Y timau

Cymru: Nel Metcalfe; Lisa Neumann, Hannah Dallavalle, Courtney Keight, Jasmine Joyce-Butchers; Lleucu George, Keira Bevan; Gwenllian Pyrs, Kelsey Jones, Donna Rose, Alaw Pyrs, Gwen Crabb, Kate Williams (cyd-gapten), Bethan Lewis, Alex Callender (cyd-gapten).

Eilyddion: Carys Phillips, Maisie Davies, Sisilia Tuipulotu, Abbie Fleming, Georgia Evans, Seren Lockwood, Kayleigh Powell, Carys Cox.

Yr Alban: Chloe Rollie; Rhona Lloyd, Emma Orr,Lisa Thomson, Francesca McGhie; Helen Nelson, Leia Brebner-Holden; Leah Bartlett, Lana Skeldon,Elliann Clarke, Emma Wassell, Sarah Bonar, Rachel Malcolm (capten), Rachel McLachlan, Evie Gallagher

Eilyddion: Elis Martin, Molly Wright, Lisa Cockburn, Jade Konkel, Eva Donaldson, Alex Stewart, Caity Mattinson, Beth Blacklock.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.