Arwisgo Syr Gerald Davies mewn seremoni yng Nghastell Windsor

Cafodd Syr Gerald Davies ei arwisgo gan Dywysog Cymru yng Nghastell Windsor

Mae un o gewri rygbi Cymru, Syr Gerald Davies wedi cael ei urddo'n farchog mewn seremoni arwisgo yng Nghastell Windsor.

Cafodd cyn-asgellwr Cymru a'r Llewod, a chyn-lywydd Undeb Rygbi Cymru, ei ddyrchafu'n farchog am ei wasanaethau i'w gamp a'i waith elusennol.

Wrth ymateb pan gyhoeddwyd ei enw yn rhestr Anrhydeddau'r Flwyddyn Newydd, dywedodd ei fod yn teimlo'n "emosiynol iawn" a bod "geiriau yn annigonol".

Fe gynrychiolodd Gerald Davies ei wlad rhwng 1966 a 1978, gan ennill tair Camp Lawn.

Fe deithiodd gyda'r Llewod yn 1968 a 1971 gan chwarae mewn pum gêm.

Bu'n Llywydd ar Undeb Rygbi Cymru rhwng 2019 ac 2023.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.