Gerwyn Price a Jonny Clayton yn colli yn ffeinal Cwpan Dartiau'r Byd

Roedd Gerwyn Price a Jonny yn gobeithio ennill Cwpan y Byd am y trydydd tro ers 2020

Mae Gerwyn Price a Jonny Clayton wedi dod o fewn trwch gwifren i ennill Cwpan Dartiau'r Byd 2025 dros Gymru ar ôl colli yn erbyn Gogledd Iwerddon yn y ffeinal.

Ar ôl dod yn ôl i guro'r Iseldiroedd 8-5 yn y rownd gynderfynol, roedd Josh Rock a Daryl Gurney yn drech na Price a Clayton 10-9 mewn clasur yn yr Almaen nos Sul.

Mae'r gystadleuaeth i barau wedi cael ei chynnal yn Frankfurt eleni, gyda Price a Clayton wedi gobeithio ennill am y trydydd tro dros Gymru ers 2020.

Y ffefrynnau oedd Luke Littler a Luke Humphries o Loegr - ond fe gollon nhw yn annisgwyl yn rownd yr 16 olaf yn erbyn y tîm cartref, yr Almaen.

Fe enillodd Cymru eu gêm gyntaf yn erbyn Ynysoedd Philippines o 8-2, cyn trechu Hong Kong o 8-4 yn rownd yr wyth olaf.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.