Cwpan y Byd 2027: Cymru mewn grŵp gyda'r Weriniaeth Tsiec

Dyw Cymru heb ennill yn eu 11 gêm ddiwethaf, gan golli saith gêm yn olynol

Mae'r grwpiau rhagbrofol ar gyfer Cwpan y Byd y merched yn 2027 wedi cael eu dewis.

Fe fydd Cymru yn chwarae yng ngrŵp B1 yn erbyn Y Weriniaeth Tsiec, Albania a Montenegro.

Bydd y gemau rhagbrofol cyntaf yn cael eu chwarae ym mis Chwefror y flwyddyn nesaf, gyda'r ymgyrch yn dod i ben ym mis Rhagfyr.

Ond os yw carfan Rhian Wilkinson am sicrhau eu lle yn y gystadleuaeth ym Mrasil yn 2027, bydd yn rhaid iddyn nhw wneud hynny drwy'r gemau ail gyfle, gan nad oes modd i dimau yn haen B fynd drwodd yn awtomatig.

Fe fydd perfformiad Cymru yn y grŵp hefyd yn effeithio ar ba haen y byddan nhw'n chwarae ynddo yng Nghynghrair y Cenhedloedd.

Dyma fydd ymgyrch ragbrofol gyntaf Cymru yn dilyn ymddeoliad Jess Fishlock.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.