Lluniau: Dydd Llun yn y Sioe Frenhinol 2025

Roedd y maes yn Llanelwedd dan ei sang ar gyfer diwrnod agoriadol y Sioe Frenhinol heddiw.

Dyma oriel luniau yn adlewyrchu hynt a helynt diwrnod cyntaf y sioe, sydd bellach yn cael ei gynnal ers dros 120 o flynyddoedd.

Fe gafodd y Sioe ei hagor yn swyddogol am 10am gan y darlledwr adnabyddus Dei Tomos. Yn ôl Dei roedd hi'n "fraint o'r mwyaf cael agor y Sioe".

Yr olygfa o'r sied ddefaid o'r balconi uwchben

Un o enillwyr y dydd, Cai Morgan-Gervis, a gafodd wobr yn y categori Defaid Mynydd Duon Cymreig

Mae 'na gymaint fwy i'r Sioe na chystadlu yn unig. Dyma rai o ymwelwyr y sioe yn trio caiacio yn y pentref chwaraeon

Adam "yn yr ardd" Jones yn arddangos y David Brown Cropmaster - hen dractor sydd wedi bod yn ei deulu ers 1948. Fe gostiodd £333 i'w brynu yn wreiddiol, ac mae'n amlwg fod Adam a'r teulu'n edrych ar ei ôl yn dda!

"Mê-lo!"

Beirniadu wyau yn yr adran Ffwr a Phlu

Tybed a fydd rhai o'r wyau rheiny'n cael eu defnyddio i wneud cacennau blasus fel rhain?

Ian, 5 oed, o Pontsenni yn mwynhau gweld yr holl beiriannau ar faes y Sioe

Fe wnaeth y Dywysoges Anne ymweld â'r Sioe Fawr heddiw am y tro cyntaf ers 2022

Yr hufen iâ oedd uchafbwynt y dydd yn ôl Henry a Bertie o Landrindod

Fe ddaeth Ieuan a'i deulu o Abergele i arddangos eu gwartheg, gydag Annie yn ennill y 3ydd wobr

Lle da i wylio ddigwyddiadau'r prif gylch

Roedd y defaid yma, ynghyd â sawl un arall, wedi blino'n lân ar ddiwedd diwrnod cyntaf llwyddiannus yn Llanelwedd

Dilynwch Cymru Fyw ar Facebook, X, Instagram, neu TikTok.

Anfonwch unrhyw syniadau am straeon i [e-mail] neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.