Byddai dymchwel Cilgant Guildford yn "drychineb"

Mae perchnogion adeiladau ar stryd adnabyddus yng Nghaerdydd wedi cytuno i oedi eu cynlluniau i ddymchwel y safle, wedi cyfarfod gyda'r cyngor.

Er gwaetha'r newyddion am oedi'r dymchwel, cafodd gorymdaith ei chynnal ddydd Sadwrn er mwyn ceisio atal y cynllun yn gyfan gwbl.

Cafodd yr orymdaith ei threfnu ar ôl i nifer fynegi eu siom gyda'r cynllun i ddymchwel y bar poblogaidd ar wefannau cymdeithasol.

Dywedodd Nia Williams, un o'r rhai sy'n ymgyrchu i atal y dymchwel, y byddai hi'n "drychineb" petai'r adeiladau yn diflannu.