Marwolaeth Glyn-nedd: Dyn wedi ei gyhuddo o lofruddio

Dywedodd teulu David Williams ei fod yn ddyn cariadus a hael, ac yn berson adnabyddus yn y byd sioeau cŵn

Mae dyn lleol wedi cael ei gyhuddo o lofruddio wedi i gorff pensiynwr gael ei ddarganfod ger traphont yng Nglyn-nedd.

Cafodd corff David Williams, oedd yn 73 oed, ei ddarganfod tu allan i'w gartref, ger Traphont Pontwalby brynhawn Llun.

Bydd Kyle Bowen, 28, yn mynd o flaen Llys Ynadon Abertawe ddydd Gwener.

Dywedodd y Ditectif Uwch-arolygydd Darren George y bydd swyddogion Heddlu De Cymru yn parhau yn yr ardal dros y dyddiau nesaf.

Ychwanegodd eu bod yn dal eisiau clywed gan bobl oedd yn yr ardal rhwng 14:00 a 20:00 ddydd Llun.