Dyn o flaen llys ar gyhuddiad o lofruddio'i chwaer

Matthew Selby yn cyrraedd y llys ddydd Mawrth

Mae dyn 19 oed wedi ymddangos o flaen Llys Ynadon Llandudno ar gyhuddiad o lofruddio ei chwaer mewn carafán ger Abergele.

Mewn gwrandawiad a barodd ddau funud, cadarnhaodd y diffynnydd, Matt Selby o Ashton-under-Lyne, ei enw a'i gyfeiriad, a'i fod yn deall y cyhuddiad.

Mae wedi ei gyhuddo o lofruddio ei chwaer 15 oed, Amanda Selby, mewn carafán ar faes carafanau Tŷ Mawr yn Nhowyn ger Abergele, ddydd Sadwrn.

Ar orchymyn y Barnwr Rhanbarth Gwyn Jones, cafodd ei gadw yn y ddalfa cyn ymddangos o flaen Llys y Goron Yr Wyddgrug, ddydd Mercher, 4 Awst.

Nid wnaed cais am fechnïaeth.

Bu farw merch 15 oed yn dilyn digwyddiad ym mharc carafanau Ty Mawr, ger Abergele