Pen-y-cae: Dau ddyn yn y llys ar gyhuddiad o lofruddiaeth

Cafodd yr heddlu eu galw i'r digwyddiad ym mhentref Pen-y-cae

Mae dau ddyn wedi ymddangos yn y llys am y tro cyntaf ar ôl cael eu cyhuddo o lofruddiaeth yn dilyn digwyddiad mewn pentref ger Wrecsam.

Cafodd Luke Williams, 24, a David Williams, 52, eu harestio ar 24 Awst mewn cysylltiad â marwolaeth Karl Saffy, 57, yn ardal Cristionydd, Pen-y-cae.

Fe wnaeth y ddau ymddangos yn Llys y Goron Yr Wyddgrug trwy linc fideo o garchar Berwyn fore Mawrth.

Ni chafodd unrhyw bledion eu gwneud a ni chafodd manylion yr achos eu trafod.

Dywedodd y barnwr mai dyddiad cynharaf yr achos llys fydd 7 Mawrth, 2022.

Bydd y ddau yn cael eu cadw yn y ddalfa tan eu hymddangosiad nesaf ar 19 Tachwedd.