Cau ysgolion a chyhoeddi rhybudd rhew ac eira newydd

Roedd yr amodau gyrru'n wael ar yr A5 ger Cerrigydrudion fore Iau

Mae'r Swyddfa Dywydd wedi cyhoeddi rhybudd newydd am rew ac amodau teithio anodd.

Mae'r rhybudd melyn mewn grym o 17:00 ddydd Iau hyd at 10:00 fore Gwener.

Roedd tua 65 o ysgolion wedi cau ar draws y wlad ddydd Iau, wrth i rew ac eira barhau i achosi trafferthion.

Yr ardaloedd gafodd eu heffeithio fwyaf oedd Rhondda Cynon Taf a Sir y Fflint.

Daw'r rhybudd diweddaraf ar ôl o leiaf ddeuddydd o rybuddion gan y Swyddfa Dywydd am dywydd gaeafol.

Mae heddluoedd Cymru wedi rhybuddio am amodau peryglus ar y ffyrdd, gyda sawl un wedi eu cau.

Roedd ffyrdd yn Nhreuddyn, Sir y Fflint wedi eu gorchuddio ag eira fore Mercher

Dywed y Swyddfa Dywydd y bydd cawodydd gaeafol yn dod i ben yn raddol yn ystod nos Iau, ond gydag awyr glir mae disgwyl iddi rewi gan achosi trafferthion posib ar lonydd a llwybrau sydd heb eu graeanu.

Roedd trafferthion yn parhau ar y ffyrdd fore Iau, a rhybudd i bobl fod yn ofalus.

Mae Heddlu Dyfed-Powys wedi rhybuddio fod ffordd yr A489 rhwng y Drenewydd ac Yr Ystog yn "beryglus iawn" oherwydd yr amodau rhewllyd.

Roedd tagfeydd ar sawl rhan o'r M4 hefyd gyda rhew mewn sawl ardal.

Yn y gogledd ar ffordd yr A55 ger Caerwys, roedd adroddiadau o gerbydau wedi torri i lawr gydag eira a rhew yn yr ardal, ac roedd yr amodau gyrru'n beryglus ar yr A5 ger Cerrigydrudion fore Iau hefyd.

Roedd nifer fawr o ysgolion Rhondda Cynon Taf ar gau oherwydd peryglon rhew yn bennaf.

Roedd rhai ar gau mewn sawl rhan arall o Gymru hefyd.

• Ysgolion a ffyrdd ar gau gyda mwy o dywydd oer i ddod

• Cau ysgolion a ffyrdd ar ôl rhew ac eira

Roedd rhew ac eira ar y ffyrdd ym Maerdy yn y Rhondda fore Mercher

Gwiriwch a oes ysgolion ynghau yn eich ardal chi

• Abertawe

• Sir Benfro

• Blaenau Gwent

• Bro Morgannwg

• Caerdydd

• Caerffili

• Casnewydd

• Castell-nedd Port Talbot

• Ceredigion

• Conwy

• Sir Ddinbych

• Sir y Fflint

• Sir Fynwy

• Sir Gaerfyrddin

• Gwynedd

• Merthyr Tudful

• Pen-y-bont ar Ogwr

• Powys

• Rhondda Cynon Taf

• Torfaen

• Wrecsam

• Ynys Môn