Sêr Hollywood yn cwblhau pryniant Wrecsam

Ryan Reynolds a Rob McElhenneyGetty Images

Daeth cadarnhad yn hwyr nos Fawrth fod dau o enwogion Hollywood Rob McElhenney a Ryan Reynolds wedi cwblhau eu pryniant o glwb Pêl Droed Wrecsam.

Mae'r ddau wedi buddsoddi £2m yn y clwb sy'n chwarae yng Nghynghrair Cenedlaethol Lloegr.

Ymhlith eu blaenoriaethau mae cynlluniau i hyrwyddo pêl-droed merched yn yr ardal.

"Mae'n ddiwrnod arbennig i'r ddau ohonom, i gael dod yn ofalwyr yn hanes hir clwb pêl-droed Wrecsam," meddai Reynolds a McElhenney.

Y cefnogwr Cledwyn Ashford yn falch bod y clwb bellach yn nwylo'r Americanwyr

Dywedodd Cledwyn Ashford, sy'n gweithio gydag ieuenctid clwb y Cae Ras, ar raglen Dros Frecwast Radio Cymru bydd y newyddion yn denu mwy i ymuno â'r clwb.

"Maen nhw wedi mynd mewn at y gymuned yn barod mae nhw wedi rhoi arian at achosion da yn yr ardal.

"I fod yn deg, dwi meddwl bod nhw yma fel mae'r Sais yn dweud " long term" - ac mae hynna yn beth cyffrous ofnadwy yndydi."

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Wryan Reynolds

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Roedd y ddau seren eisoes wedi rhoi arian ychwanegol i'r clwb er mwyn cryfhau'r garfan yn ystod ffenest drosglwyddo Ionawr.

Fe wnaeth aelodau o ymddiriedolaeth cefnogwyr y clwb bleidleisio o blaid y ddêl ym mis Tachwedd.

Ond bu'n rhaid aros am sêl bendith Awdurdod Ymddygiad Ariannol ddydd Gwener ddiwethaf cyn bod modd cwblhau'r cytundeb.

Pynciau cysylltiedig

Straeon perthnasol