Yr heddlu yn parhau i chwilio am April Jones

Cafodd April ei gweld ddiwethaf tu allan i'w chartref ar Hydref 1

Yn ardal Machynlleth mae'r heddlu'n dweud eu bod nhw'n parhau i chwilio am y ferch bum mlwydd oed April Jones.

Cafodd April ei gweld ddiwethaf yn mynd i mewn i gerbyd bythefnos yn ôl.

Roedd hi'n chwarae tu allan i'w chartref ar stad Bryn-y-Gog tua 7pm ar Hydref 1.

Mae swyddogion yn dweud eu bod nhw bron â chwblhau'r gwaith o chwilio yn y dref.

Fe fydd timau nawr yn archwilio'r ardaloedd o amgylch Machynlleth.

Mae dyn 46 oed wedi ei gyhuddo o lofruddio a chipio plentyn.

Cafodd Mark Bridger ei gadw yn y ddalfa tan y bydd yn ymddangos o flaen Llys y Goron fis Ionawr.