Llofruddiaeth Rhyd-wyn: Dyn yn Llys Y Goron

Mae cwest wedi clywed bod Buddug Jones wedi ei darganfod yn ei gwely gydag anaf i'w phen

Mae dyn o Ynys Môn wedi ymddangos am y tro cyntaf mewn Llys y Goron ers cael ei gyhuddo o lofruddio dynes 48 oed.

Ymddangosodd Colin John Milburn, sy'n 52 oed ac o bentref Rhyd-wyn, yn Llys Y Goron Yr Wyddgrug mewn cysylltiad â marwolaeth Buddug Jones.

Cafwyd hyd i'w chorff yn ei chartref, sydd hefyd yn Rhyd-wyn ar 22 Ebrill.

Cafodd y diffynnydd ei ddychwelyd i'r ddalfa tan ei ymddangosiad llys nesaf ar 25 Gorffennaf.

Fe nododd y llys 17 Hydref fel dyddiad tebygol dechrau'r achos, sy'n debygol o bara am dair wythnos.